Բիլիարդի բաց առաջնություն

Բիլիբոմ ակումբը իր հնգամյա գործունեության ընթացքում կազմակերպել է մի շարք մրցաշարեր, բայց դրանք բոլորն անց են կացվել ակումբի անդամների (Բիլիբոմ քարտատերերի) և հյուրերի միջև:

Այժմ մենք սկսում ենք մրցաշարերի նոր շարք` ոլորտային ուղղվածությամբ, որոնց մասնակիցները կլինեն ֆինանսիստներ, իրավաբաններ, լրագրողներ, բժիշկներ, նկարիչներ և այլոք:

Մենք պատրաստ ենք համագործակցելու բոլոր շահագրգիռ կազմակերպությունների հետ:

Այժմ առաջիկա առաջնության մասին:

Ընթացակարգ

Հետևյալով սահմանվում է ոլորտային ուղղվածությամբ բիլիարդի բաց առաջնությունների անցկացման կարգն ու պայմանները:

1. Կազմակերպիչը

1.1. Բիլիբոմ Բիլիարդ Ակումբ: Հասցե` Կոմիտասի պող., 51 շենք, 2-րդ հարկ:
1.2. Պատասխանատու` ակումբի մենեջեր` Գրիգոր Թոքաթլյան:

2. Մասնակիցները

2.1. Բանկային, ապահովագրական, աուդիտորական, վարկային, ներդրումային և այլ ֆինանսական կազմակերպությունների աշխատակիցներ (ինչպես կազմակերպության անունից, այնպես էլ իրենց անունից, իրենց հաշվին):
2.2. Առաջնությանը կարող են մասնակցել 18 տարին լրացած ինչպես տղամարդիկ, այնպես էլ` կանայք: Առաջնությունը սիրողական է, այսինքն` սպորտային կարգ ունեցողները չեն կարող մասնակցել: Տվյալ կետը խախտողին կգրանցվի պարտություն և նա կհեռացվի առաջնությունից:
2.3. Առաջնությանը մասնակցելու համար պետք է ներկայացնել անձնագրի և աշխատանքային գրքույկի (կամ աշխատանքի ընդունման հրամանի) պատճենները:

3. Առաջնության մասին

3.1. Խաղի տեսակը` "Динамичная Пирамида"
3.2. Անցկացման օրը` 26-27.06.2010թ.:
3.3. Գրանցման վերջնաժամկետը` 25.06.2010թ.:
3.4. Վիճակահանությունը` 26.06.2010թ. ժամը 10:00-ին:
3.5. Մասնակիցների քանակը` նվազագույնը 10, առավելագույնը 32:
3.6. Մասնակցության վճարը յուրաքանչյուր մասնակցի համար` 10 000 դր կանխիկ տեղում կամ բանկային փոխանցումով ("փոխանցման նպատակ" տողում նշել "Մասնակցության վճար և Անուն Ազգանուն"):
Բանկային փոխանցումով վճարելու դեպքում 2.3 կետում նշված փաստաթղթերի պատճենների հետ ներկայացնել նաև վճարման անդորրագրի պատճենը: Վերջնաժամկետը մինչև 24.06.2010թ.:
Մասնակցության համար վճարված գումարները չեն վերադարձվում մասնակցին, եթե նա խախտել է սույն ընթացակարգի կետերից որևէ մեկը և այդ պատճառով զրկվել առաջնությանը մասնակցելու իրավունքից:
3.7. Անցկացման ձևը` մինչև 2 հաղթանակ. Իսկ եզրափակչում` մինչև 3 հաղթանակ: Առաջնությունը օլիմպիական կարգով չի անցկացվում, այսինքն մի փուլում պարտվողը դեռ հնարավորություն ունի հասնելու մինչև եզրափակիչ:
3.8. "Динамичная Пирамида" խաղի կանոններին և առաջնության անցկացման աղյուսակին կարող եք ծանոթանալ այստեղ:
3.9. Առաջնության կազմակերպիչը հավաքված գումարի սահմաններում ապահովում է խաղասրահը, մրցավարությունը, մրցանակաբաշխությունը և առաջնության լուսաբանումը:

4. Մրցանակային ֆոնդը

4.1. Մրցանակային ֆոնդը` 130 000 դրամ կանխիկ կամ 230 000 դրամ` ԲԻԼԻԲՈՄ քարտերով:

• Առաջին տեղ ...... 60 000 դրամ կամ 95 000 դրամ "Ստանդարտ" քարտով
• Երկրորդ տեղ ..... 40 000 դրամ կամ 65 000 դրամ "Ստանդարտ" քարտով
• Երրորդ տեղ ...... 30 000 դրամ կամ 50 000 դրամ "Ստանդարտ" քարտով
• Լավագույն սերիայի համար ........ 10 000 դրամ "Հյուր" քարտով
• Հանդիսատեսի համակրանք ........ 10 000 դրամ "Հյուր" քարտով

Առաջինից երրորդ տեղեր զբաղեցնողները կպարգևատրվեն նաև դիպլոմներով:

4.2. Մնացած մասնակիցներից յուրաքանչյուրը ցանկության դեպքում կարող է ակումբում լրացնել հայտը և ստանալ "Հյուր" քարտ` համալրված 5 000 դրամով:

5. Խախտումներ և տուգանքներ

5.1. Խաղերի հետ կապված ցանկացած բողոք քննարկվում է առաջնության պատասխանատուի և գլխավոր մրցավարի կողմից: Կայացված որոշումները բողոքարկման ենթակա չեն:
5.2. Մասնակիցը պարտավոր է հետևել ժամանակացույցին և իր խաղը սկսվելու պահին լինել դահլիճում:
5.3. Խաղի ընթացքում արգելվում է ծխել, աղմկել կամ խանգարել: Խախտողին անմիջապես գրանցվում է պարտություն և նա հեռացվում է առաջնությունից:

Գրանցված մասնակիցներ